ON SHOW (1)
第一晚On show，冇乜緊張，可能因為排得太多次。淨係覺得好high，好開心，因為有好多朋友仔一齊玩﹗
今日約左10:00食早餐，點知9:30先醒，仲約左阿Mui添....後黎都趕到去食左個靚早餐，展開滿足的一天﹗一齊坐Taxi去伊館，唔駛咁趕，行到死下死下﹗之後就開始Check衫、執Props。佢地練緊"雨傘"同埋"火燒"時，我就努力執野、執野、再執野。
到下午食lunch，驚險事情發生了﹗﹗﹗Final Rehersal時發現手提電話不見了﹗﹗﹗於是立即冷靜下來，諗番自己去過邊、做過d乜野，點知，搵極都搵唔到﹗打俾自己，仲唔通飛埋去留言...大獲﹗搵哂所有地方，自己都打定輸數，打埋俾Martin報失.....點知.....就係那一個一直入唔到去搵既地方，搵返啦﹗﹗﹗哈哈哈哈﹗完來真係去Irene房搞票務時，漏了在裡面﹗但因為Final Rehersal進行中，搵唔到人開工作人員房度門，於是乎一直入唔到去搵...後黎，好彩文志係度.....話說過程都幾感恩。其實我都算冷靜，一直都冇咩野，週圍走去搵、搵極搵唔到，都唔開心呀﹗於去走出去觀眾席搵，搵唔到就坐左係度睇"雨傘"rehersal，聽到歌者"恩典拖帶覓去路，不需驚怕慢兩步，...."突然個人靜落黎，諗番唔見左個電話，都唔係太大件事，個心先靜番落黎，行入去打個電話俾Martin，轉頭入房就搵番咯﹗感謝主﹗
開Show前，因為Final Rehersal遲左，所以大家都好趕，趕化妝、趕食飯、趕換衫、趕趕趕....7:45pm，到D區Ready等出場，D區d人好好笑，又係玩到停唔到﹗哈哈哈哈~點知後黎發現好多觀眾會由呢個入口入去，所以大家即刻走番入通道，等到咁上下，先走返出黎ready。音樂一響，跟著FTF走出去，真真正正開始了﹗﹗
風轉一切正常，鬧得都幾"行"呀﹗之後就Quick Change換"七七"，9秒9既位，大家都在後台跑、跑、跑，不斷咁跑﹗差點撞埋一堆﹗﹗之後因為"七七"在台上都要趕，趕到離哂譜，完全冇位喘氣。High Engery跳完隻舞入Slow Motion，真係囉命﹗一路喘氣一路慢動作，Keep Engery，Keep笑容，嘩...."七七"順利完成後，入後台換Belt，預備"鬧交"。最慘是，因Tent的Props出現問題，我入那個Tent是未set好的...於是執生扮野乜都齊，好彩都照過骨﹗都叫D人Check Props啦﹗
完左到"沙漠風暴"，又一個9秒9位，跑入去即由A走去B，然後飛身進入駱駝，難度都幾高﹗開始焗人肉....."什麼是愛"今日好正，駱駝講野位觀眾笑哂，舞又跳得好睇﹗跳出駱駝後就大把時間換衫，等"輔導中心"，其實呢場都係出去玩，因為做下八婆都幾搞笑﹗
完左呢場後，有半個鐘唔駛出場，於是有時間食埋個冷冰冰的飯盒...然後便又再跳進駱駝，今次仲要入去成半個鐘頭。因為要由"雨傘"到"謝幕"再唱埋3首歌仔，過程又"un"又跳，d汗不斷流，空氣又焗....再一次焗人肉..今次仲好長時間....完左好彩Emily拖番我地入去，入到後台即刻打開駝峰，呼吸一口清新空氣﹗嘩~~~~超級勁熱、勁累、還勁臭.....
今日Tommy、Ivy、顯江、阿奀、同黃漢權黎左睇，諗住落去搵佢地，點知唔見人.....唔知佢地覺得點呢？
完show後拍照時間，影出黎d相既colour好靚﹗因為個個紅紅綠綠咁，好鬼sharp﹗所以相都好靚﹗好想快d睇番相﹗yeah! 始終是自己第一次出大show﹗
落埋妝後，便去了餐廳食野，因為今日冇時間食，個個都餓，達達仲餓到成個人軟哂添﹗不過今日個個都good show，所以都值得既﹗﹗﹗
不過，真係要諗諗計...有乜辦法半個鐘頭在駱駝裡面，唔會焗到暈？？
沒有留言:
發佈留言